Flúgvandi danir knústu Týskland

Danmark er stórfavorittur at vinna HM-endaspælið í manshondbólti, og í gjárkvøldið vístu teir veruliga, hví teir eru tað. Danmark við stjørnuleikarunum Mathias Gidsel og Simon Pytlick heilt einfalt bukaði Týskland av, og hevði fullkomiliga tamarhald á dystinum.

Eftir eina byrjan við fullari ferð, vóru týskarar vóru als ikki førir fyri at fylgja við, tá ið Mathias Gidsel og Simon Pytlick settu ferðina upp, og við tilsamans átjan mál vóru teir avgerandi fyri, at Danmark endaði við at vinna dystin 40-30.

Sigurin á Týsklandi ger, at Danmark er á fyrsta plássi í bólki 1 í millumspælinum.

---

Í bólki 1 var eisini merkisvert, at Italia helt fram við óvæntað góðu úrslitunum í HM og vann greitt 25-18 móti Kekkia.

Í bólki B vann Frakland greitt móti Ungarn 37-30. Teir hava fult stigatal, og staðfestu, at teir møguliga hava styrki at hótta Danmark.

Niðurlond, sum Føroyar spæla móti í mars, vunnu akkurát 38-38 móti Katar.

Dagsins úrslit

Bólkur 1

• Sveis-Tunesia 37-26 (20-11)
• Kekkia-Italia 18-25 (9-14)
• Danmark-Týskland 40-30

Bólkur 2

• Eysturríki-Norðurmakedonia 29-29 (14-13)
• Katar-Niðurlond 37-38 (19-17)
• Ungarn-Frakland 30-37 (15-23)

---

Stigatalva bólkur 1

		D	V	J	T	Mál	Stig
1	Danmark	3	3	0	0	111 – 71	6
2	Týskland	3	2	0	1	90 – 91	4
3	Italia	3	2	0	1	77 – 82	4
4	Sveis	3	1	1	1	83 – 74	3
5	Kekkia	3	0	1	2	57 – 71	1
6	Tunesia	3	0	0	3	72 – 101	0

Stigatalva bólkur 2

		D	V	J	T	Mál	Stig
1	Frakland	3	3	0	0	109 – 76	6
2	Niðurlond	3	2	0	1	107 – 105	4
3	Ungarn	3	1	1	1	93 – 96	3
4	Eysturríki	3	1	1	1	84 – 90	3
5	Norðurmakedonia	3	0	2	1	88 – 93	2
6	Katar	3	0	0	3	82 – 103	0