Í hvassoraðum lesarabrævi sigur Jens H. Jensen, fyrrverandi sýslumaður, sína hugsan um danska politiið í Føroyum og teirra leiklut í sambandi við grindadráp.
Hann tekur undir við Esmar Joensen, formanni í Grindamannafelagnum, sum er stúrin um gongdina viðvíkjandi grindini. Jens H. Jensen vísir á, at danski fútin í Føroyum, Michael Boolsen, ikki sýnir nóg stóra virðing fyri føroyskari mentan og lítilsvirðir støðuna hjá grindamonnunum.
Jens H. Jensen minnist aftur á, hvussu sýslumannsembætið fyrr tryggjaði, at alt gekk rætt fyri seg við grindadrápum. Politistarnir vóru tá til staðar, skrásettu luttakarar og hildu vakt yvir fonginum, sum gav fólkinum tryggleika.
Hann er ørkymlaður um, at løgreglan nú hevur noktað at møta upp, tá grind verður hildin til. Hetta heldur hann vera óskiljandi, tí tað er ein sjálvsøgd uppgáva hjá politinum at vera til staðar, har nógv fólk savnast.
Jens H. Jensen nevnir eisini, at hann hevur verið yvirhoyrdur av politinum í samband við grindadráp, hóast eingin fráboðan um djórapínslu var komin. Hann metir hetta vísa á eina negativa ávirkan frá donsku løgregluni, ið ikki skilir týdningin av grindadrápi fyri føroyingar.
Hann heitir á Føroya Landsstýrið um at hugsa seg um. Hann spyr, um tað ikki hevði verið skilabetri at sett ein væl skikkaðan føroying í fútaembætið, so sýslumansstarvið kann koma aftur á eitt nøktandi støði.
Deil á Facebook
