Mikukvøldið og hóskvøldið vóru dystir spældir í Europa League. Serliga var fokus á dystin millum turkisku Fenerbache og Manchester United. Orsøkin er, at fyrrverandi venjarin hjá Manchester United tann litríki José Mourinho nú er venjari hjá Fenerbache.
Longu undan dystinum undirhelt Mourinho á tíðindafundinum, tá ið hann millum annað segði, at hann framvegis kundi vinna eitt meistaraheitið fyri Manchester United, tí at eitt sakarmál móti Manchester City, kann gera at United fær tilskriva eitt meistaraheiti.
Í sjálvum dystinum í gjárkvøldi helt Mourinho fram, tá ið hann fekk reytt kort, tá ið hann harðliga mótmælti eina støðu, har hann helt, at Fenerbache átti brotsspark.
Dysturin endaði 1-1, eftir at Christian Eriksen hevði lagt United fram um í fyrra hálvleiki. Fenerbache javnaði tó í seinna hálvleiki, og fyri stórfelagið Manchester United er hetta ein eitt av svingandi úrslitunum, sum hevur eyðkent felagið seinastu nógvu árini.
Tríggjar javnleikir er tað vorðið til hjá United í Europa League, og tað verður ikki mett at vera nøktandi fyri eitt so stórt felag.
Europa Leauge hevur eins og Champions League ein nýggjan kappingarleist hetta kappingarárið. 36 feløg kappast í sama bólki, har tey spæla móti átta feløgum í bólkinum. Átta tey bestu koma beinleiðis í áttandapartsfinalurnar, meðan feløgini, sum gerast millum nummar 9 og 24, skulu spæla tveir eyka dystir fyri at spæla seg víðari.
Eingin veit ordiliga, hvussu hesin kappingarleisturin fer at roynast. Men í løtuni eru til dømis tey trý stigini hjá United nokk til eitt 21. Plass.
Úrslitini í gjár vóru hesi:
| Mikudagin 25. oktobur | |
Braga – Bodø/Glimt | 1 – 2 |
| Galatasaray – Elfsborg | 4 – 3 |
| Hósdagin 24. oktobur | |
| Eintracht Frankfurt – Rigas FS | 1 – 0 |
| Ferencváros – Nice | 1 – 0 |
| Maccabi Tel Aviv – Real Sociedad | 1 – 2 |
| Midtjylland – Union Saint-Gilloise | 1 – 0 |
| PAOK – Viktoria Plzen | 2 – 2 |
| Qarabag – Ajax | 0 – 3 |
| Roma – Dynamo Kyiv | 1 – 0 |
| Anderlecht – Ludogorets Razgrad | 2 – 0 |
| Athletic Bilbao – Slavia Praha | 1 – 0 |
| Fenerbahce – Manchester United | 1 – 1 |
| Lyon – Besiktas | 0 – 1 |
| Malmö – Olympiakos | 0 – 1 |
| Porto – Hoffenheim | 2 – 0 |
| Rangers – FCSB | 4 – 0 |
| Tottenham – AZ Alkmaar | 1 – 0 |
| Twente – Lazio | 0 – 2 |
Stigtalvan í Europe League eftir 3. umfar
Deil á Facebook
