Salah lumpaði Arsenal

Stórdysturin í ensku Premier League hetta vikuskiftið, var í London í dag millum Arsenal og Liverpool sunnudagin.

Aresenal var greitt betra liðið og Bukayo Saka legði Arsenal fram um við frálíkum gjøgnumbroti longu í 9. minutti.

Liverpool svaraði tó skjótt aftur, tá ið liðskiparin, Virgil van Dijk skallaði bóltin í málið í 18. minutti.

Arsenal setti seg tungt á dystin, og tað var í tráð við dystargongdina, tá ið Mikel Merino skoraði sítt fyrsta mál fyri Arsenal beint fyri hálvleik.

Alt bendi á ein fult uppibornan sigur til Arsenal, men Liverpool og Mohamed Salah snýttu heimaliðið fyri sigurin, tá ið Salah hevði seinasta fót á bóltinum eftir frálíkt mótálop.

City er fremst

Meistararnir, Manchester City, vunnu sín dyst leygardagin móti Southampton. Einasta málið í dystinum skoraði stórskjúttin Erling Haaland eftir fimm minuttir. Harvið eru teir aftur nummar fremstir í Premier League, nú Liverpool misti stig.

Vánaliga gongdin hjá United heldur fram

Hjá Manchestur United heldur vánaliga gongdin fram. Menninir hjá Erik ten Hag vóru annars nógv betri enn West Ham á London leikvøllinum í dag. Kortini var tað West Ham, sum kom fram um fram, tá ið eitt korter var eftir at spæla, Crysencio Summervill skoraði málið.

Casemiro javnaði fyri United, men Jarrod Bowen hjá West Ham sendi í yvirtíðini eitt brotsspark í málið, og harvið er United nú nummar 14 í Premer League og kreppan heldur fram.

Í oddinum mistu Aston Villa, Tottenham og Brighton stig, meðan Chelsea vann ein flottan sigur í Newcastle. Nicolas Jackson og Cole Palmer skoraðu málini hjá Chelsea, sum sær út til at hava fóta sær, eftir nógv rok seinnur árni.

Úrslit í 9. umfari

Leicester – Nottingham Forest	1 – 3
Aston Villa – Bournemouth	1 – 1
Brentford – Ipswich	4 – 3
Brighton – Wolverhampton	2 – 2
Manchester City – Southampton	1 – 0
Everton – Fulham	1 – 1
Chelsea – Newcastle	2 – 1
Crystal Palace – Tottenham	1 – 0
West Ham – Manchester United	2 – 1
Arsenal – Liverpool	2 – 2

Stigatalva Premier League

		Dystir	Mál	Stig
1	Manchester City	9	20 – 9	23
2	Liverpool	9	17 – 5	22
3	Arsenal	9	17 – 10	18
4	Aston Villa	9	16 – 11	18
5	Chelsea	9	19 – 11	17
6	Brighton	9	16 – 12	16
7	Nottingham Forest	9	11 – 7	16
8	Tottenham	9	18 – 10	13
9	Brentford	9	18 – 18	13
10	Fulham	9	12 – 12	12
11	Bournemouth	9	11 – 11	12
12	Newcastle	9	9 – 10	12
13	West Ham	9	13 – 16	11
14	Manchester United	9	8 – 11	11
15	Leicester	9	13 – 17	9
16	Everton	9	10 – 16	9
17	Crystal Palace	9	6 – 11	6
18	Ipswich	9	9 – 20	4
19	Wolverhampton	9	12 – 25	2
20	Southampton	9	6 – 19	1