Sjey hondbóltsdystir í dag

Fýra dystir verða spældir í bestu kvinnudeildini og tríggir í bestu mansdeildini.

Mest spennandi dysturin í kvinnudeildini er uttan iva dysturin á Skála millum StÍF og Stjørnuna. Hesi bæði liðini kappast um at vinna tey seinastu plássini í FM-finaluumfarinum. StÍF vann fyrsta dystin í kappingarárinum móti Stjørnuni, og hevur staðið seg heldur betri enn Stjørnan í kappingini. Men Stjørnan hevur staðið seg væl seinastu dystirnar, so tað verður uttan iva ein spennandi dystur á Skála.

Hjá kvinnunum er grannadystur millum Neistin og Kyndil. Her er oddaliðð Kyndil greiður favorittur, hóast Neistin hevur havt eina góða gongd seinastu dystirnar, og millum annað vann móti H71 seinasta dyst.

Kvinnurnar hjá H71 eru eisini greiðir favortittar móti EB, og tað sama eru kvinnurnar hjá VÍF, tá ið tær vitja VB suðri í Vági.

---

Hjá monnum er avgjørt, hvør verður í topp-6, sum gevur atgongd til FM-finaluumfarið. Eftir at spæla um er bara at enda millum tvey tey bestu, sum gevur beinleiðis atgongd til hálvfinalurnar.

Øll liðini í mansdeildini tykjast púra jøvn uttan Team Klaksvík, sum einki stig hevur fingið enn. Tað ger, at tað er torført at spáa um úrslitið í nærum øllum dystum.

Tí er alt púra opið í dystunum H71 – KÍF og Neistin – Kyndil. Hinvegin má vænast, at StÍF vinnur móti Team Klaksvík.

---

Stigatalva SMS-deildin

	Dystir	Vunnin mál	Tapt mál	Munur	Stig
Kyndil	14	497	296	201	28
H71	14	468	372	96	21
VÍF	14	441	327	114	21
Neistin	14	367	345	22	17
StÍF	12	256	336	-80	8
Stjørnan	13	329	418	-89	6
EB	14	348	461	-113	5
VB	13	291	442	-151	2

---

Stigatalva Burndeildin

	Dystir	Vunnin mál	Tapt mál	Munur	Stig
Kyndil	12	348	328	20	17
StÍF	12	368	337	31	16
VÍF	12	381	337	44	14
H71	12	361	342	19	13
KÍF	12	313	309	4	13
Neistin	12	309	312	-3	11
Team Klaksvík	12	300	415	-115	0