SMS-deildin kvinnur
Stjørnan – VB 33-18 (17-11)
Kvinnurnar hjá Stjørnuni hava verliga fingið gongd á kappingarárið seinastu tíðina, og tær hava millum annað spælt seg í hálvfinalunar í steypakappingini. Góða gongdin helt fram í dag, tá ið VB vitjaði norði í Klaksvík.
Stjørnan vann dystin við heili 15 málum, 33-18 og vóru frammanfyri allan dystin. Bara eina heilt lítla løtu í fyrra hálvleiki var VB um at fáa Stjørnuna aftur, annars var eingin ivi um úrslitið.
Í hálvleikinum førdi Stjørnan 17-11, og beint eftir steðgin økti tær upp í tíggju mál, og munurin øktist spakuliga allan seinna hálvleik. Útslitið gjørdist, sum nevnt, 33-18 til Stjørnuna.
Við sigrunum blandar Stjøran seg veruliga í stríðið um seinastu plássini at koma í FM-finaluumfarið.
Fyri Stjørnuna skoraði Iuliia Nalivko 8 ferðir, og Carmen Luiza Silva skoraði eisini 8 ferðir fyri VB.
Stigatalva SMS-deildin kvinnur
| Dystir | Vunnin mál | Tapt mál | Munur | Stig | |
| Kyndil | 13 | 465 | 274 | 191 | 26 |
| H71 | 13 | 445 | 344 | 101 | 21 |
| VÍF | 13 | 419 | 295 | 124 | 21 |
| Neistin | 13 | 339 | 322 | 17 | 15 |
| Stjørnan | 13 | 329 | 418 | -89 | 6 |
| StÍF | 11 | 228 | 312 | -84 | 6 |
| EB | 13 | 324 | 433 | -109 | 5 |
| VB | 13 | 291 | 442 | -151 | 2 |
Deil á Facebook
