Tríggir dystur vóru í bestu kvinnudeildini í hondbólti í dag, og øll úrslitini vóru sum væntað.
SMS-kvinnur
VÍF-Neistin 30-21 (15-12)
Í høllini í Vestmanna vann VÍF greitt 30-21 móti Neistanum eftir hálvleiksstøðuna 15-12. Neistin fylgdi væl við til hálvan fyrra hálvleik, og so fór VÍF fram um, og nakað inn í seinna hálvleik fór VÍF ordiliga frá og vann dystin greitt.
Fyri VÍF skoraði Fríða Nolsøe Olsen 8 mál, og hjá Neistanum skoraði Anna S. Mikkelsen 5 ferðir.
SMS-kvinnur
Kyndil -EB 42-20 (22-11)
Kvinnurnar í Kyndil vóru ikki mjúkar við kvinnurnar í EB í høllini á Hálsi. 42-20 stóð á máltalvuni, tá ið dysturin var liðugur, eftir hálvleiksstøðuna 22-11.
Turið Arge Samuelsen helt fram at skjóta mál, hóast hon nú er givin á landsliðnum. Í dag skoraði hon 13 ferðir.
Fyri EB skoraði Silja Geirsdóttir Eystberg 6 mál fyri EB í sínum fyrsta dysti fyri felagið. Hon spældi í fjør við Kyndli, men skiftii summar til H71, áðrenn hon fór víðari til EB.
SMS-kvinnur
Stjørnan -H71 24-34 (10-18)
Í Klaksvík tók eina løtu hjá H71 at koma í gongd móti Stjørnuni. Men tá ið hálvur fyrri hálvleikur var spældur, fór H71 undan. Í hálvleikinum var 18-10 til H71 og dysturin var væl og virðiliga avgjørdur. H71 vann dystin 34-24.
Hjá Stjørnuni skoraði Durita Karlsdóttir Ljósstein 7 mál, og fyri H71 var Maria H. Weyhe toppskjútti hjá H71 við 12 málum.
Stigatalva í SMS-deildini
| Dystir | Vunnin mál | Tapt mál | Munur | Stig | |
| Kyndil | 10 | 358 | 202 | 156 | 20 |
| H71 | 9 | 313 | 233 | 80 | 16 |
| VÍF | 9 | 288 | 190 | 98 | 16 |
| Neistin | 10 | 251 | 255 | -4 | 9 |
| StÍF | 8 | 167 | 210 | -43 | 6 |
| EB | 10 | 237 | 332 | -95 | 3 |
| VB | 9 | 212 | 309 | -97 | 2 |
| Stjørnan | 9 | 210 | 305 | -95 | 2 |
Deil á Facebook
