Verður torført hjá Svøríki at koma í hálvfinaluna

Svenska kvinnulandsliðið í hondbólti tapti í kvøld óvæntað móti Rumenia í millumbólki 1 í EM í kvinnuhondbólti.

Svøríki hevði eina sera vánaliga løtu í fyrra hálvleiki og var aftanfyri 12-8 í hálvleikinum.

Tað eydnaðist Svøríki at stríða seg inn í dystin aftur, og tær javnaðu til 22-22, tá ið fimm minuttir vóru eftir. Men seinastu minuttirnar avgjørdi Rumenia dystin og vann óvæntað 25-23.

---

Úrslitini í millumbólki 1

Svøríki – Rumenia 23 – 25
Frakland – Montenegro 31 – 23
Ungarn – Pólland 31 – 21

---

Úrslitini hava við sær, at Svøríki hevur 2 stig fyri 3 dystir, og tað ger, at tað verður sera torført hjá Svøríki at koma í hálvfinalurnar.

Frakland og Ungarn hava fult stigatal 6 stig fyri 2 dystir, og nógv skal til, um tey ikki koma í hálvfinalurnar.

Stigatalva millumbólkur 1

	D	V	J	T	Mál	Stig
1. Frakland	3	3	0	0	96 – 70	6
2. Ungarn	3	3	0	0	89 – 66	6
3. Svøríki	3	1	0	2	81 – 82	2
4. Rumenia	3	1	0	2	75 – 80	2
5. Montenegro	3	1	0	2	70 – 82	2
6. Pólland	3	0	0	3	68 – 99	0